|
Sprook utwähl'n - Hochdüütsch: 
Plattdüütsch:
|
||||||||||||||||||||||||
|
Een Afscheed in Würd Een leeven Minschen to verleern, dat heuert to de schworsten Prövungen, de uns dat Leeven stellt. I so'n Situatschoon doröver notodinken, wo de Truuerfier för düssen Minschen utseh'n schall, is ni licht. Mit veel Fiengeföhl un groote Erfohrung in' Ümgang mit truuernde Minschen, hölp ick Se dorbi, 'n in jede Hinsicht passige Afscheednohm uttorichen. Ganz so, as Se sich dat wünschen doht. As frie'n Reedner bün ick an keen Konfesschoon bunnen. För mi stoht jümmers de Angehörigen, de verstormne Minsch un ehr Verhältnis to'nanner in Middelpunkt. EN Truuerfier kann in 'n Kapell, as Graffreed bi de Bisettung vun den Sarg oder de Urn, op'n Schipp oder an Hoben bi'n Seebestattung oder ook achteran an'n Gedenkstünn an een Ort no Ehr Wohl stattfinnen, wenn de Bisettung al passeert is. Doch ook bi'n Truuerfier in de Kark kom ick gern dorto un övernehm blang den klerikal'n Deel den weltlichen Deel, also 'n Ansprook över dat Leeven un dat Würken in de Famiel' vun den verstormnen Minsch. Overs ook, wenn aftosehn is, dat'n Minsch ni mehr lang to leeven hett, kom ick gern to Se no Huus oder in de entspreekende Inrichtung, üm mit de bedreepende Person to snacken. Denn keen kunn beter seggen, as man sülms, wo de eegene Truuerfier utsehn schall. In jeden Fall legg ick Se an't Hart, de Truuerfier so utrichen to loten, dat se de Persönlichkeit vun den verstormnen Minschen entspreekt. Natüürli hölp ick Se ook gern dorbi, de passige Musik för de Afscheednohm uttosööken. Dat mutt overs ni jümmers schwore un truurige Musik ween. Wo weer dat mit de leevsten Leeder vun den verstormnen Minsch? Wenn Se wünscht, speel ick ook sülms 'n Leed to'n Mitsingen op de Gitarr... |
 | ||||||||||||||||||||||
| Zugriffe gesamt: 9082
Tel.: 0 48 59 / 6 24 Mobil: 01 62 / 24 70 562 - E-Mail: kontakt@heiko-kroll.de  | ||||||||||||||||||||||||