Sprook utwähl'n - Hochdüütsch: Plattdüütsch: |
||||||||||||||||||||||||
|
Freie Truuzeremonien Veele Poore, de op't Standesamt "jo" to'nanner seggt hebbt (de rechtliche Deel), un in Tokunft as Ehelüüd tosom leeven wüllt, mögt no düssen rechtlichen Deel gern ehr Famieln un Frünnen an ehr Glück deelhebben loten. Tradischoonell findt düsse emotschonale Deel vun't Heiroden in de Kark statt. Doch ook för de, de ni in de Kark sünd oder för de 'n Truung in de Kark ut annere Grünn' ni infog kümmt, gifft dat 'n Möglichkeit: De frie Truuzeremonie. Overs dat Woord "frie" betreckt sick in düssen Tosomhang ni blots dorop, dat de Zeremonie vun Kark un Religion loslöst is. Se künnt ganz un gor frie entscheeden, wo ehr Truuzeremonie utsehn un in wat för'n Rohmen se stattfinnen schall. Wo harrn Se dat denn gern? Rockig oder romantisch - swungvull oder ruhi - ernst oder humorvull? Ehr Phantasie sünd keen Grenzen sett. Tosom finnd wi, anlöhnt an Ehr Persönlikeiten, rut, wülke Lösung för Se de passigste is. Gern speel un sing ick to Ehr Truuzeremonie ook de Leeder, de Se an leevsten mögt. Overs natüürli lot ick de Musik to Ehr Hochtied ook över mien eegene Anlog vun Band loopen, wenn se dat leever hebbt. Snackt Se mi an. |
|||||||||||||||||||||||
Zugriffe gesamt: 9087
Tel.: 0 48 59 / 6 24 Mobil: 01 62 / 24 70 562 - E-Mail: kontakt@heiko-kroll.de |